मोबाईल फोनसाठीची ऍक्सेसरी म्हणून सुरुवातीला बाजारात आलेली Wearable Technology म्हणजे तुम्ही अंगावर घालून फिरू शकता अशा गॅजेट्समध्ये गेल्या 10 वर्षांमध्ये प्रचंड सुधारणा झाल्या आहेत. फिटनेस बँड्स, वॉचेस आणि आता अगदी रिंग्स बाजारात आहेत. ही टेक्नॉलॉजी काही प्रमाणात फायद्याची ठरतेय. पण यामुळे काही वेगळ्याच गंभीर समस्याही उभ्या राहतायत. आजच्या सोपी गोष्टमध्ये समजून घेऊयात फिटनेस ट्रॅकर्स तुमच्यासाठी धोकादायक कसे ठरू शकतात... आणि त्यासाठी काय करायचं...रिपोर्ट आणि निवेदन : अमृता दुर्वे एडिटिंग : निलेश भोसले

जीडीपीची ताजी आकडेवारी सांगते की जुलै ते सप्टेंबर या काळामध्ये भारतीय अर्थव्यवस्थेच्या प्रगतीचा हा दर 5.4% वर आलाय. गेल्या सात तिमाहींमधला हा निचांकी दर आहे आणि रिझर्व्ह बँकेने व्यक्त केलेल्या 7 टक्क्यांच्या अंदाजापेक्षा बराच कमी देखील आहे. भारतीय अर्थव्यवस्था मंदावतेय का? काय कारणं आहेत यामागे? समजून घेऊयात सोपी गोष्टमध्ये.रिपोर्ट : टीम बीबीसी निवेदन : अमृता दुर्वे एडिटिंग : अरविंद पारेकर

रिटायरमेंट प्लानिंग.. म्हणजे निवृत्तीनंतरची तजवीज... म्हणजे वयाच्या एका ठराविक टप्प्यानंतर आपल्याकडे किती पैसे असायला हवेत, पैशांचा नियमित स्त्रोत कुठून - कसा सुरू राहू शकतो वगैरे गोष्टी. तज्ज्ञांच्या मते तुम्ही नोकरी करायला सुरुवात करता, तेव्हाच रिटायरमेंट प्लानिंगला सुरुवात करायला हवी. यासाठी अनेक मार्ग आहेत. पण आज आपण जाणून घेऊ यासाठीचा एक मार्ग NPS - म्हणजे National Pension Scheme बद्दल आजच्या सोपी गोष्टमध्ये.लेखन - दिनेश उप्रेती निवेदन - अमृता दुर्वे एडिटिंग - निलेश भोसले

सुनीता विल्यम्स अंतराळात लेट्यूस उगवून पाहतायत. अंतराळात शेती करता येते का? अंतराळात शेती करून काय साध्य होणारे? यापूर्वी असा प्रयोग झालाय का? समजून घेऊयात सोपी गोष्टमध्ये.रिपोर्ट आणि निवेदन : अमृता दुर्वे एडिटिंग : निलेश भोसले

2024 हे जसं जगभरात निवडणुकांचं वर्षं होतं, तसंच हे युद्धांचं - संघर्षांचंही वर्ष ठरलंय. रशिया - युक्रेन, इस्रायल - गाझा युद्धं सुरू होतीच. त्यात भर पडली इस्रायल - लेबनॉन, इस्रायल - इराण या संघर्षांची. आणि आता सीरियामध्ये पुन्हा एकदा बंडखोर आणि तिथल्या सरकारमधला संघर्ष उफाळून आलाय आणि त्यामध्येच रशियाने 1 डिसेंबरच्या पहाटे सीरियाच्या काही भागांवर हल्ले केलेयत. सीरियात नेमकं काय सुरू आहे... आणि आताच नाही, तर गेली काही दशकं सीरियामध्ये यादवी युद्ध का सुरू आहे? पहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

उत्तर प्रदेशातल्या बरेलीमध्ये अर्धवट बांधकाम झालेल्या पुलावरून कार कोसळल्याने तीन जणांचा मृत्यू झाला. गुगल मॅप्सनुसार गाडी चालवत निघालेल्या या लोकांनी मॅपमध्ये दाखवलेला रस्ता निवडला आणि अपघात झाल्याचं सांगितलं जातंय. गुगल मॅप्सचं काम नेमकं कसं होतं? कोणत्या रस्त्याने जायचं, ट्रॅफिक किती आहे, हे कसं मोजलं जातं? आणि या अॅपकडूनही माहिती देताना चुका कशा होऊ शकतात?पहा सोपी गोष्टरिपोर्ट आणि निवेदन : अमृता दुर्वे एडिटिंग : अरविंद पारेकर

म्युच्युअल फंड म्हणजे काय? या म्युच्युअल फंडमध्ये कोणते प्रकार आहेत? त्यामध्ये गुंतवणूक कशी करायची? आणि मुख्य म्हणजे त्यामध्ये धोके कोणते आहेत? पहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

दिवसातली सगळ्यांत मोठी बातमी सोप्या भाषेत

दिवसातली सगळ्यांत मोठी बातमी सोप्या भाषेत

दिवसातली सगळ्यांत मोठी बातमी सोप्या भाषेत

माजी भारतीय क्रिकेटर नवज्योत सिंग सिद्धू यांनी एक पत्रकार परिषद घेत आपली पत्नी नवज्योत कौर कॅन्सरमधून पूर्णपणे बरी झाल्याचं जाहीर केलं. हे सगळं पत्नीने पाळलेल्या एका विशेष डाएटमुळे झालं, असा दावा सिद्धू यांनी केलाय. त्यांचा हा व्हीडिओ सोशल मीडियावर प्रचंड व्हायरल होतोय. 'आपल्या पत्नीची कॅन्सरसाठीची ट्रीटमेंट सुरू होती, किमोथेरपी - रेडिएशन करण्यात आलं होतं, पण बायको वाचण्याची शक्यता अगदी कमी असल्याचं डॉक्टरांनी म्हटलं होतं, पण डाएटच्या जोरावर तिचा स्टेज 4 कॅन्सर पूर्ण बरा झाला,' असा दावा सिद्धू यांनी केलाय. फक्त डाएटच्या जोरावर कॅन्सर बरा होऊ शकतो का? सिद्धू यांनी म्हटल्याप्रमाणे हळद, कडुनिंब, तुळशी हे कॅन्सरसाठी मारक ठरू शकतात का?पाहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : अरविंद पारेकर

गौतम अदानींच्या नावे न्यूयॉर्कच्या न्यायालयात आरोपपत्र दाखल करण्यात आलंय. अझुर पॉवर (Azure Power) आणि अदानी ग्रीन एनर्जी या कंपन्यांशी संबंधित हे प्रकरण आहे. SECI सोबतचा करार व्हावा म्हणून लाच देण्याची योजना आखल्याचा आरोप अदानींवर करण्यात आलाय.अदानी ग्रीन एनर्जी कंपनीने कर्ज आणि बाँड्सद्वारे वेगवेगळ्या गुंतवणूकदारांकडून 3 अब्ज डॉलर्स उभे केले. आंतरराष्ट्रीय आणि अमेरिकन गुंतवणूकदारांकडून भांडवल उभारताना अदानींनी आपल्या कंपनीच्या लाचविरोधी धोरणांविषयी चुकीची आणि फसवी माहिती दिल्याचाही आरोप अमेरिकेने केलाय. अमेरिकन गुंतवणूकदारांच्या जोरावर हे सगळं करण्यात आलं, असंही अमेरिकेने म्हटलंय.पहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

घर विकत घेण्यासाठी घेण्यात येणारं कर्ज म्हणजे होमलोन. हे गृहकर्ज घेताना अनेक गोष्टींचा अभ्यास करावा लागतो. कोण कोणत्या गोष्टींची काळजी घ्यायला हवी? गृहकर्जाचा हप्ता कसा मोजला जातो? आपल्यासाठी योग्य कालावधी कसा ठरवायचा?समजून घेऊयात आजच्या सोपी गोष्टमध्येलेखन आणि निवेदन : अमृता दुर्वे एडिटिंग : निलेश भोसले

रशियाविरुद्धच्या युद्धामध्ये युक्रेनला अमेरिका, युकेसारख्या देशांचं पाठबळ मिळतंय. पण आता त्यांना या देशांकडून देण्यात आलेली लांब पल्ल्याची क्षेपणास्त्रं रशियाच्या भूमीत हल्ला करण्यासाठी वापरता येणार आहेत. शिवाय अमेरिका युक्रेनला Landmines म्हणजे भू सुरुंग पुरवणार आहे. यामुळे युद्धामधली बाजी युक्रेन पलटवू शकेल का? जो बायडन यांच्याजागी डोनाल्ड ट्रम्प अमेरिकेचे राष्ट्राध्यक्ष झाल्यानंतर काय होईल?समजून घेऊयात सोपी गोष्टमध्येरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

निवडणुकीसाठीचं मतदान झाल्यानंतर एक्झिट पोल्सचे आकडे झळकायला लागतात. विविध संस्थांनी केलेल्या या पाहण्यांच्या अंदाजात अनेकदा मोठी तफावत असते. तर प्रत्यक्ष निकाल आल्यानंतरही एक्झिट पोल्सनी मांडलेले अंदाज चुकल्याचं लक्षात येतं. असं का होतं? एक्झिट पोल्स कसे करतात? समजून घेऊयात सोपी गोष्टमध्ये. रिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

समुद्राखालीही ज्वालामुखी आहेत - हे तुम्हाला माहित्येय का? यातले काही सक्रीय आहेत. तर काही निद्रिस्त आहेत. संशोधकांना आर्क्टिक समुद्राच्या तळाशी एक प्रचंड मोठा ज्वालामुखी सापडलाय. अमेरिकन कोस्ट गार्डच्या icebraker हीली (Healy) या जहाजावरच्या संशोधकांच्या क्रू ला हा शोध लागलाय.जाणून घेऊयात याच ज्वालामुखीबद्दल आजच्या सोपी गोष्टमध्येरिपोर्ट आणि निवेदन : अमृता दुर्वे एडिटिंग : अरविंद पारेकर

लहान मुलांची उंची त्यांच्या वयासाठी अपेक्षित उंचीइतकी नसेल, तर याला Stunting - वाढ खुंटणं म्हटलं जातं. पुरेसं पोषण मिळत नसल्याची ही खूण असल्याचं मानलं जातं. भारतामध्ये आणि आफ्रिकेतल्या सहारा वाळवंटाच्या दक्षिणेकडच्या देशांमध्ये - म्हणजे Sub Saharan Africa भागामध्ये लहान मुलांची वाढ अशी खुंटण्याचं प्रमाण अधिक आहे. भारतातलं हे प्रमाण सहारा वाळवंटाखालच्या आफ्रिकन देशांपेक्षाही अधिक असल्याचं एका संशोधनातून समोर आलंय.यासाठी अनेक गोष्टी कारणीभूत ठरत असल्या तरी सगळ्यात महत्त्वाचं कारण ठरतोय - जातीभेद. जातीचा परिणाम लहान मुलांच्या वाढीवर होतोय? समजून घेऊयात आजच्या सोपी गोष्टमध्येरिपोर्ट : सौतिक बिस्वास निवेदन : अमृता दुर्वे एडिटिंग : मयुरेश वायंगणकर

क्रेडिट कार्डच्या वापराबद्दल अनेक समज गैरसमज आहेत. हे कार्ड वापरण्यात खरंच खूप धोके आहेत का? त्याचा वापर करताना आपण कोणत्या गोष्टी लक्षात ठेवायला हव्यात? रोजच्या व्यवहारात क्रेडिट कार्ड वापरून आपला काही फायदादेखील होऊ शकतो का? समजून घेऊयात सोपी गोष्टमध्येरिपोर्ट : टीम बीबीसी निवेदन : अमृता दुर्वे एडिटिंग : मयुरेश वायंगणकर

इंटरनॅशनल स्पेस स्टेशनमधल्या एका फोटोवरून जगभरातल्या लोकांना सुनीता विल्यम्स यांच्या तब्येतीची काळजी वाटली. बोईंग स्टारलायनरमधून 8 दिवसांच्या चाचणी मोहीमेसाठी अंतराळात गेलेले सुनीता विल्यम्स आणि बुच विल्मोर हे स्टारलायनरमधल्या बिघाडांमुळे अंतराळ स्थानकातच अडकले. प्रवाशांना परत घेऊन येण्यासाठी स्टारलायनर सुरक्षित न ठरल्याने सप्टेंबर 2024 मध्ये हे यान रिकामंच पृथ्वीवर परत आणलं गेलं. फेब्रुवारी 2024 मध्ये सुनीता विल्यम्स आणि बुच विल्मोर स्पेस एक्स्च्या यानाने पृथ्वीवर परततील. अंतराळातल्या या प्रदीर्घ वास्तव्याचा मानवी शरीरावर काय परिणाम होतो? सुनीता विल्यम्स यांच्या शरीरावरही असेच परिणाम पहायला मिळतायत का? समजून घेऊयात सोपी गोष्टमध्येरिपोर्ट आणि निवेदन - अमृता दुर्वे एडिटिंग - मयुरेश वायंगणकर

डोनाल्ड ट्रम्प अमेरिकेचे नवीन राष्ट्राध्यक्ष झाल्याने हवामान बदल रोखण्यासाठीच्या प्रयत्नांवर परिणाम होण्याची भीती व्यक्त केली जातेय. डोनाल्ड ट्रम्प यांनी हवामान बदल हा एक भ्रम, स्कॅम असल्याचं यापूर्वी म्हटलं होतं. तर अमेरिकेचे राष्ट्राध्यक्ष म्हणून पहिल्या कार्यकाळात त्यांनी अमेरिकेचा पॅरिस करारातला सहभाग काढून घेतला होता. यावेळीही ते बाहेर पडतील अशी भीती व्यक्त करण्यात येतेय. ट्रम्प यांच्या विजयामुळे काय आणि कसे परिणाम होऊ शकतात? जगभरातल्या पर्यावरण तज्ज्ञांना ही भीती का वाटतेय? समजून घेऊयात सोपी गोष्टमध्येरिपोर्ट - टीम बीबीसी निवेदन - अमृता दुर्वे एडिटिंग - अरविंद पारेकर