Մի՞թե մենք բոլորս ունենք սեռականություն...Այս էպիզոդում մենք հոգեբան Շանա Հասասյանի հետ խոսել ենք սեռականության և դրա տարբեր շերտերի մասին: Սեռականությունը շատ հաճախ մեր միջավայրում ընկալվում է տարբեր կերպ, և հենց սխալ ընկալումները կարող են խոչընդոտել մեզ և ուրիշներին ճիշտ հասկանալու ճանապարհին:Գիտականը առօրեականի հետ միախառնելով՝ միասին փորձել ենք բացահայտել սեռականության բաղադրիչներից որոշները և ավելի մատչելի բացատրել երբեմն բարդ թվացող տերմինները:Բարի ունկնդրում սիրելիներ Support the Show.

Դեպրեսիան վերջին շրջանում շատ տարածված տերմին է հասարկության մեջ, և շատ դեպքերում մենք այն շփոթում ենք հոգնածության կամ լարվածության հետ:Այն ինչ դեպրեսիան ավելին է քան հոգնածությունը, այն հոգեբանական խնդիր է, որը ունի ախտորոշման և բուժման կարիք:Մենք, հոգեթերապևտ Լիանա Թերզյանի հետ խոսել ենք դեպրեսիայի, ախտորոշման միջոցների և բուժման ընթացքի մասին:Support the Show.

Սիրելի ունկնդիրներ, մեր երրորդ եթերաշրջանը սսկում ենք  սեքսոլոգիայի մասին է էպիզոդից: Մեր հյուրը՝ սեքսոլոգ Սարգիս Եսայանը, խոսել է, թե ինչո՞վ են զբաղվում սեքսոլոգները, ե՞րբ պետք է դիմել սեքսոլոգին, առավել տարածված հիվանդությունների և ոլորտում առկա միֆերի մասին: Իսկ Լենան խոսել է սեքսոլոգիայի և հոգեբանության կապի մասին սեռական և հոգեկան առողջության փոխկապակցված լինելու մասին: Support the Show.

ՍելֆՍերի այս էպիզոդում խոսում ենք տագնապի և նրա երանգների մասին: Այդ հարցում մեզ օգնելու համար հյուրընկալել ենք կլինիկական հոգեբան, հոգեթերապևտ Անի Բուդաղյանին, ում նեղ մասնագիտացումը հենց տագնապի հետ աշխատանքն է: Թողարկման ընթացքում Անին հանգամանորեն պատմում է տագնապի և նրա տեսակների, վերջինիս ձևավորման գործոնների, դրսևորման ձևերի մասին,  ինչպես նաև արձագանք ենք կատարում տագնապի կարգավորման ձևերին և աշխատող թերապևտիկ մեթոդներին:Support the Show.

Այսօրվա կյանքը պահանջում է արագ կողմնորոշվել, արագ որոշել, արագ գործել... Ու այս ամենը անընդհատ շրջապտույտի մեջ: Ժամանակի արագությունն ու ինֆորմացիայի առատությունը բերում են մեզ նորանոր մտքերի, հույզերի. վերջիններս մարսելու համար ժամանակ չկա: Ու մենք մնում ենք մեր գործերի հսկայական ցուցակի, խառնված մտքերի ու չապրված հույզերի հետ: Այս ամենը մարդուց հսկական էներգիա է տանում, ինչն էլ կարող է բացատրել հասարակության համատարած հոգնածությունը: Հոգնածությունը այսօրվա աշխարհում դարձել է նորմա: ՍելֆՍերի մեր հերթական էպիզոդում խոսում ենք հոգնածության մի շարք կողմերից, օգնող մտքերից ու վիճակը կարգավորող մեթոդներից:Support the Show.

ՍելֆՍերի հերթական էպիզոդում խոսելու ենք մեղքի զգացմանն առնչվող տարբեր հարցերից: Մեղքի զգացումը մարդու հուզական ռեակցիա է որևէ արտաքին իրողության, ավելի հաճախ՝ բացասական երանգով: Մարդն իրեն կարող է մեղավոր զգալ և՛ արածի, և՛ չարածի համար: Պատահում է նաև այնպես, որ մարդն ունենում մեղքի զգացում, բայց որևէ վատ բան չի արել: Հարց է առաջանում՝ ինչո՞ւ: Ինչպես շատ հոգեբանական հարցերում, այստեղ ևս կարևոր են մանկությունից եկած խորքային համոզմունքները: Եվ շատ կարևոր է չարհամարհել նրանց, ուշադրություն դարձնել և փորձել իրավիճակի հաղթահարման տարբերակներ գտնել:Support the Show.

ՍելֆՍեր փոդքասթի երկրորդ եթերաշրջանը սկսում ենք Նորից՝ բառի բուն իմաստով: Մարդու համար կոնֆորտ է մնալ սեփական հնարավորությունների ու կարողությունների սահմաններում: Դա հաճելի է, բայց ունի իր հակառակ կողմը: Երբ մարդն անում է միայն այն, ինչն իր մոտ լավ է ստացվում, դադարում է աճել ու լճանում է: Նոր բան անելը առաջին անգամ շատ դժվար է. այն անորոշ է, անհայտ, մարդուն պատճառում է անհանգստություն, բայց միևնույն ժամանակ ոգևորություն: Ու կարևոր է հիշել, որ երկրորդ անգամը հիմնականում ավելի հեշտ է լինելու: Խոսելու ենք պարզ քայլերից, որոնք կարող են օգնել առաջ գնալ, դիմավորել նոր մարտահրավերներն ու դարձնել դրանք ձեզ օգնական:Support the Show.

Հոգեբանական առաջին օգնությունը մարդասիրական աջակցություն է կյանքի դժվարին իրավիճակում հայտնված մարդուն: ՀԱՕ հիմնական նպատակն է հետագա հնարավոր հոգեբանական խնդիրներն ու բարդությունները կանխարգելելը կամ նվազեցնելը: Այս էպիզոդում մեր հյուրը՝ հոգեբան Զառա Հարությունյանը, կկիսվի մեզ հետ ՀԱՕ-ի կարևոր ասպեկտներով և գործիքակազմով: Այս էպիզոդում մենք կպատասխանենք հետևյալ հարցերին՝ ի՞նչ է հոգեբանական առաջին օգնությունը, ո՞վ ունի դրա կարիքը, ինչպե՞ս ցուցաբերել և որո՞նք են այն հաղորդակցման հմտությունները, որոնք մեզ անհրաժեշտ կլինեն օգնություն ցուցաբերելիս:Support the Show.

Ամեն տարի ամբողջ աշխարհում միլիոնավոր մարիկ բախվում են ընտանիքների բաժանումներին, որոնց անհետևանք չեն մնում ինչպես մեծահասակների, այնպես էլ երեխաների կյանքում։   Ամուսնալուծության գործընթացը միայն  իրավական չէ և այն մեծ ազդեցություն է ունենում ոչ միայն ամուսնալուծվող զույգի, այլև երեխաների, բարեկամների, շրջապատի և այլ մարդկանց վրա:Կան որոշ գործոններ, որոնք կարող են ազդել երեխայի բարեկեցություն վրա՝թշնամական կոնֆլիկտի աստիճանն ու տևողությունը,ամուսնալուծության ընթացքում և հետ ծնողական դաստիարակության ոճը,ծնող-երեխա հարաբերությունների որակը։Շատ երեխաներ արձագանքում են ծնողների ամուսնալուծությանը, ունենալով տխրության, շփոթության զգացում, լքվածության վախ, մեղքի զգացումը, զայրույթը, հավատարմության կասկած, անհանգստություն, վիշտ և հավատի ու վստահության կորուստ, որը կարող է չանցնել և դրսևորվել նաև արդեն մեծահասակ տարիքում: Իսկ ինտենսիվ կոնֆլիկտի և ընտանեկան բռնության իրավիճակներում գրեթե բոլոր երեխաները կիսում են համընդհանուր մտահոգությունը. «Ի՞նչ է լինելու ինձ հետ»:Աջակցող, հոգատար և հուսալի ծնողը երեխայի կյանքում անփոխարինելի դեր ունի և օգնում է երեխային հաղթահարել կյանքի ցանկացած բացասական իրողություն։Support the Show.

Ինչպե՞ս հաղթահարել բաժանումը և «կոտրված սրտի» ցավը, Հարաբերությունների ավարտը և դրա հետևանքները:Այս էպիզոդում կփորձենք հասկանալ ինչպես առաջ շարժվել և ինչ բացահայտումներ կարելի է անել հարաբերությունների ավարտից հետո:Support the Show.

Հետտրավմատիկ սթրեսային խանգարումԱյս անգամ կփորձենք հասկանալ, թե ինչ է հետտրավմատիկ սթրեսային խանգարումը (PTSD): Այդ հարցում մեզ կօգնի տվյալ ոլորտում մասնագիտացած հոգեբան՝ Լիանա Թերզյանը: Ինչպե՞ս ճանաչել հետտրավմատիկ սթրեսային խանգարումը, ինչ անել և չանել նման դեպքերում, ինչու՞ է այդքան կարևոր ճանաչել այն: Հետպատերազմական փուլում այս թեման առավել կարևոր է, քան երբևէ:Support the Show.

 Ծանոթանանք «Ներքին երեխայի» հետ: Այս էպիզոդում կբացահայտենք լայն տարածում գտած «ներքին երեխա» հասկացությունը, կքննարկենք ինչպես և երբ է ձևավորվում մեր ինքնագնահատականը և ինքնավերաբերմունքը: Կդիտարկենք ցածր ինքնագնահատականի դրսևորումները և պատճառները և կհասկանանք մեզ սիրելու կարևորությունը և միջոցները: Support the Show.

Եթե ձեզ հետաքրքիր է հասկանալ թերապիայի ընթացքը և նպատակը, մանկական տրավմաների դերը հասուն կյանքում, ապաքինման գործընթացը, լսե՜ք SelfSer-ի այս էպիզոդը:Այն շատ անձնական է մեզ համար, քանի որ կիսում ենք ապաքինման և ինքներս մեզ ճանաչելու ու հասկանալու մեր փորձը: Այս էպիզոդում ձեզ սպասում է նաև «փոքրիկ» բացահայտում այն մասին, թե ինչպես ենք մենք ծանոթացել:Support the Show.

Աշխարհն այսօր այնքան բաց է և բազմազանՄենք կարող ենք ծանոթանալ, շփվել և հարաբերություններ կառուցել մեզնից հազարավոր կիլոմետրերի հեռավորության վրա գտնվող մարդկանց հետ կամ հանգամանքների պատճառով հեռու գտնվել մեր սիրելիիցԱյս թողարկման ընթացքում քննարկելու ենք հեռավորության վրա հարաբերություններ կառուցելը և պահպանելը՝ հասկանալու ենք նման հարաբերությունների առանձնահատկությունները, դժվարությունները և դրանք հաղթահարելու միջոցներըSupport the Show.

Այս էպիզոդի ընթացքում մենք կպատմենք մեր մասին և այն մասին, թե ինչ է «Սելֆ-սեր»-ը և ինչու ենք որոշել այն կյանքի կոչել: Ի՞նչ է իրենից ներկայացնում հոգեբանի հետ աշխատանքը:Ինչու՞ են մարդիկ դիմում հոգեբանի և ինչու՞ դա ամոթ չի, այլ ուժեղ և պատասխանատու որոշում է: Ի՞նչ կարծրատիպեր կան հոգեթերապիայի հետ կապված Հայաստանում: Այս և շատ այլ հարցերի շուրջ ավելի մանրամասն՝ «Սելֆ-սեր»-ի այս էպիզոդում:Support the Show.