«Թատերական Երեւան» ծրագրի շրջանակում հայտարարված դրամաշնորհային մրցույթի արդյունքում  քաղաքապետարանի կողմից հրատարակվել է  պիեսների 5 ժողովածու։  Նպատակը ոչ միայն Հայաստանում դրամատուրգիայի ուղղությունը խթանելն է, այլեւ թատրոնների խաղացանկերը նոր պիեսներով համալրելը։ Հրատարակված պիեսների բեմադրությունների համար նույնպես քաղաքապետարանը շուտով կհայտարարի դրամաշնորհային մրցույթ։ Ծրագրի մանրամասների, ինչպես նաեւ Գրքի փառատոնի դրամատուրգիայի անվանակարգի մասին զրուցել ենք ժյուրիի անդամ, Երեւանի քաղաքապետարանի մշակույթի եւ տուրիզմի վարչության պետի տեղակալ Գեւորգ Սահակյանի հետ։ Հանդիսանալով Գրքի երեւանյան միջազգային փառատոնի ինֆորմացիոն գործընկեր՝ Իմ ռադիոյի թիմը փառատոնային օրերին աշխատում է պատկերասրահից. հետեւեք մեզ ու լսեք հարցազրույցներ, ռեպորտաժներ ու նյութեր փառատոնի ամբողջ ընթացքից: