WITSA-ի համաշխարհային գավաթի ազգային հանձնաժողովը սկսում է դիմումների ընդունումը՝ հայկական վաղ փուլերի ստարտափներին ընձեռելով բացառիկ հնարավորություն՝ ցուցադրելու իրենց նորարարական լուծումները և մրցելու Հայաստանը միջազգային հարթակում ներկայացնելու համար: Ազգային հանձնաժողովը կընտրի մոտ 20 ընկերություն, որոնցից երկուսը հնարավորություն կունենան Հայաստանը ներկայացնելու միջազգային մրցույթում։ Ազգային հանձնաժողովը ստարտափների ընտրությունը կկատարի գնահատման հինգ հիմնական չափանիշներով՝ նորարարություն, հաճախորդների ներգրավում, մասշտաբելիություն, տեխնոլոգիա հանուն բարօրության և ներուժ: WITSA-ի համաշխարհային գավաթի մրցանակաբաշխությունը տեղի կունենա WCIT2024/DigiTec-ի շրջանակներում Երևանում հոկտեմբերին 4-ից 7-ը։