«Անցյալ Կյանքեր» (Past lives) ֆիլմը ռեժիսոր Սելին Սոնի դեբյուտային աշխատանքն է, որը պատմում է սիրո, անցյալի և կյանքի բաժանվող ուղիների մասին:
Ֆիլմի սյուժեն ներկայացնում է մանկության ընկերներ Նորա և Հեյ Սոնգի պատմությունը։ Երեխաները որոշ ժամանակ կորցնում են կապը, երբ Նորայի ընտանիքը տեղափոխվում է Կանադա։ Տարիներ անց Նորան Նյու Յորքում է ստեղծում իր կյանքն ու կարիերան։ Սակայն նրա և Հեյ Սոնգի ճակատագրերը կրկին խաչվում են՝ սկսելով շփվել սոցիալական մեդիայի միջոցով։
Ֆիլմը ներկայացնում է երկուսի միջև ձևավորվող յուրահատուկ կապը՝ անցյալի հիշողությունների, չիրականացված երազանքների, չօգտագործված հնարավորությունների և տարբեր մշակույթների բախման միջավայրում։ «Անցյալ կյանքերը» սրտառուչ և խոր ֆիլմ է՝ սիրո, ճակատագրի ու պարզ թվացող հույզերի մասին:
